Auður stundaði nám við Söngskólann í Reykjavík og lauk þaðan Burtfararprófi (DipABRSM with Distinction) vorið 2001. Auður stundaði framhaldsnám í söng við Royal Conservatoire of Scotland í Glasgow til ársins 2003. Hún lauk LRSM (Licentiate of The Royal Schools of Music) söngkennaraprófi frá Söngskólanum í Reykjavík vorið 2005.

 

Auður hefur komið fram á fjölda tónleika hér heima og erlendis. Sem dæmi má nefna althlutverk í níundu sinfóníu Beethovens í St. Pétursborg í Rússlandi árið 2006, Vesper eða Næturvöku eftir Rachmaninov árið 2007, Mozart Requiem með Mótettukór Hallgrímskirkju árið 2012 og Te deum eftir Charpentier árið 2015.

 

Auður hefur sungið á fjölda viðburða; sinfóníum, óratóríum, óperusýningum og jazztónleikum í hlutverki einsöngvara sem og í stærri hópum.  Auður hefur lengi sungið með kammerkórum á borð við Barbörukórinn, Schola Cantorum, Sönghóp Fríkirkjunnar og Cantoque Ensemble. Margir kórar hafa flutt verk hennar hér heima sem erlendis. Árið 2015 stofnaði Auður sönghópinn Elfi ásamt starfssystrum. Hún lauk mastergráðu í listkennslu við Listaháskóla Íslands árið 2017 og gaf í kjölfarið út söngbók fyrir börn, Tónlistin er þín, sem finna má á vefsíðunni www.tonafondur.com.   

 

Auður hefur samið yfir sextíu kórverk og sönglög. Hún starfar við tónsmíðar, söng, barnakórstjórn og söngkennslu á Íslandi og kemur reglulega fram á tónleikum, við brúðkaup, útfarir, afmæli og aðrar athafnir. Auður tileinkar sér söngstíl sem hentar hverju sinni og er jafnvíg á klassíska tónlist sem og jazz- og dægurtónlist. Þá tekur hún einnig að sér útsetningar og tónsmíðar.